جۇرت شيرەك عاسىر كۇتكەن ءسوزدى قر باس پروكۋراتۋراسى جاقىندا عانا ايتتى. الداعى ۋاقىتتا زاڭدى تۇردە تىركەلمەگەن رەسەي تەلەارنالارىنا قازاقستان اۋماعىندا حابار تاراتۋعا تىيىم سالىنادى.

«kaz.gazeta.kz» سايتىنىڭ حابارلاۋىنشا بۇل تۋرالى سەناتتىڭ حالىقارالىق قاتىناستار، قورعانىس جانە قاۋىپسىزدىك جونىندەگى كوميتەتىنىڭ كەڭەيتىلگەن وتىرىسىندا باس پروكۋروردىڭ ورىنباسارى اندرەي كراۆچەنكو ايتقان. ء"بىزدى قازىر الاڭداتىپ وتىرعانى، رەسپۋبليكادا جۇمىس ىستەپ وتىرعان كانالداردىڭ جارتىسى دەرلىك رەسەيلىك، ولار وكىلەتتى مەملەكەتتىك ورگاندا ەسەپكە الىنباي وتىر.ولار سوندا بارىپ، ەسەپكە تۇرۋعا ءتيىس", - دەيدى ول.  "ال وكىلەتتى ورگانعا كەلىپ تىركەۋدەن وتپەگەن كانالدارعا قازاقستان اۋماعىندا حابار تاراتۋعا تىيىم سالۋ كەرەك". 

مەملەكەتتىڭ تاۋەلسىزدىگىنە تىكەلەي قاتىستى «اقپاراتتىق قاۋىپسىزدىك» ماسەلەسىن قازاق ءباسپاسوزى ايتۋىنداي ايتىپ، جازۋىنداي جازىپ كەلەدى. سول "جانايقاي" قۇزىرلى ورىنداردىڭ قۇلاعىنا ەندى عانا جەتىپتى. وعان دا شۇكىرلىك. 

Abai.kz