Қытай президенті Ши Жинпиң апат болған аймақтағы ең басты мәселе тірі қалған адамдарды тез арада құтқару керек екенін айтып, жергілікті билікке әмір берді. Ол сондай-ақ апат зардаптарын жоюға бар күшті жұмылдыруға және апат болуы немесе қайталануы мүмкін басқа да аудандарда тұрғындарды эвакуациялау жөнінде тапсырма берді.

Шинхуа агенттігінің ақпараты бойынша Қытайдың барлық аудандарынан жер сілкінісі болған аймаққға жәрдем күштері жолдануда. Азық-түлік, байланыс, трансфорт мәселесі басты назарда ұсталып, аман қалған тұрғындарға барынша көмек көрсетілуде. 

Естеріңізге салатын болсақ кеше жергілікті уақытпен 16: 30-да Қытайдың Юннан өлкесінің Ляудиң аймағында 6,5 баллдық жер сілкінісі болды. Зілзала салдарынан он мыңдаған тұрғын үйлер қирап қалды. Қолда бар соңғы ақпарат бойынша 381 адамның қаза тапқаны нақтыланды әрі 2000-ға жуық адам түрлі жарақаттар алған. Қаза болғандар саны әлі де артуы мүмкін. Қытай еліндегі ауыр жағдайға байланысты ел басшысына әр ел президенттері көңіл айту хаттарын жөнелтуде.

Абай-ақпарат