قىتاي پرەزيدەنتى شي جينپيڭ اپات بولعان ايماقتاعى ەڭ باستى ماسەلە ءتىرى قالعان ادامداردى تەز ارادا قۇتقارۋ كەرەك ەكەنىن ايتىپ، جەرگىلىكتى بيلىككە ءامىر بەردى. ول سونداي-اق اپات زارداپتارىن جويۋعا بار كۇشتى جۇمىلدىرۋعا جانە اپات بولۋى نەمەسە قايتالانۋى مۇمكىن باسقا دا اۋدانداردا تۇرعىنداردى ەۆاكۋاتسيالاۋ جونىندە تاپسىرما بەردى.

شينحۋا اگەنتتىگىنىڭ اقپاراتى بويىنشا قىتايدىڭ بارلىق اۋداندارىنان جەر سىلكىنىسى بولعان ايماققعا جاردەم كۇشتەرى جولدانۋدا. ازىق-تۇلىك، بايلانىس، ترانسفورت ماسەلەسى باستى نازاردا ۇستالىپ، امان قالعان تۇرعىندارعا بارىنشا كومەك كورسەتىلۋدە. 

ەستەرىڭىزگە سالاتىن بولساق كەشە جەرگىلىكتى ۋاقىتپەن 16: 30-دا قىتايدىڭ يۋننان ولكەسىنىڭ لياۋديڭ ايماعىندا 6,5 باللدىق جەر سىلكىنىسى بولدى. ءزىلزالا سالدارىنان ون مىڭداعان تۇرعىن ۇيلەر قيراپ قالدى. قولدا بار سوڭعى اقپارات بويىنشا 381 ادامنىڭ قازا تاپقانى ناقتىلاندى ءارى 2000-عا جۋىق ادام ءتۇرلى جاراقاتتار العان. قازا بولعاندار سانى ءالى دە ارتۋى مۇمكىن. قىتاي ەلىندەگى اۋىر جاعدايعا بايلانىستى ەل باسشىسىنا ءار ەل پرەزيدەنتتەرى كوڭىل ايتۋ حاتتارىن جونەلتۋدە.

اباي-اقپارات