Еуропа Одағы (ЕО) Қырым мен Севастопольде инвестиция мен сауданы шектейтін санкциялар пакетін салуға келісті. УНИАН агенттігінің хабарлауынша, мұндай шешім дүйсенбіде Брюссельде ЕО елдері өкілдерінің тұрақты кеңесінің жиынында қабылданған. Бұл туралы "Азаттық радиосы" жазды.

Санкциялар Қырым түбегінде мұнай өндірісіне инвестиция салуға, транспорттық, телекоммуникациялық және энергетикалық салаларға қатысты салынбақ. ЕО бұған қоса сегіз шенеунік пен үш компанияға виза беруге тыйым салып, есеп-шотын бұғаулаған. ЕО оларды "Украинаның территориялық тұтастығына қарсы әрекет еткен ресейлік шенеуніктерді қолдайды" деп санайды.

Жаңа санкциялар пакеті 31 шілде күні қабылданып, жарияланатын болады. 

Абай-ақпарат