Төлеутай СҮЛЕЙМЕНОВ, қоғам қайраткері:

– Ең алғаш Нұрсұлтанды домна цехында көрдім. Менің жасым небәрі 17-де, оның жасы 19-да болды. Сол кездің өзінде-ақ Нұрсұлтанның бәрімізден көш ілгері екені аңғарылып тұр­ды. Эрудициясы өте мықты Нұр­сұлтанмен бір мәселе төңі­ре­гінде пікірталаста ешқайсы­мыз да теңесе алмай­тынбыз. Оның білмейтіні жоқ еді. Алайда ол біздің ара­мыздағы лидеріміз болды. Бәріміз оның айтқанын ұйып тыңдайтынбыз. Өйткені ол өте сенімді түрде сендіріп айтатын. «Егер сәл бір мүмкіндік туса, елімді өркендету үшін қолым­нан келгеннің бәрін жасай­мын» дейтін. 

Нұрсұлтан сол мүмкіндікті қалт жібермей, ел игілігі жо­лында іске асырған кемеңгер басшы. Нұрсұлтан Назарбаев – Тәуелсіз Қазақстанның негізін қалаушы. Ол оңай болмағаны белгілі. Тарихта алып империя ыдырап, оның құрсауынан б­ө­лінген елдердің жеке мемле­кеттің іргесін қа­ламаққа ұмты­лысы сирек болатын құбылыс. 90-жылдары КСРО құрамынан шыққан республикалар дер­бестігін алған сәтте неден бас­тарын білмей біраз дағдарды. Дәл осы тұста қайсар да қажыр­лы, кемел ой иесі Нұрсұлтанның лидерлік қасиеті ерекше бай­қалды. Ол елін тығырықтан алып шығудың алуан жоспарын қарастырды. Халқын қиын­дық­тан алып шығарына сен­дірді. Елі Нұрсұлтандай еріне сенді. Қолдады. Соңынан ерді. Көптің сеніміне ие болу қиын­ның қиыны. Халқы үшін нар тәуе­келге бел байлаған Нұр­сұлтан ел сенімін ақтады.

Ал енді бұл күндері Тәуелсіз Қазақстанды дамыту мен қа­лып­тастыруда шешуші рөлді Президент атқарғандығын еш­кім де жоққа шығара алмайды. Туған жерін түлетуде ол бар мүм­кіндікті қарастыра отырып, сол жолда аянып қалған жоқ. Оны сөзбен емес іспен дәлел­деген қай­сар жанның осы ба­ғыт­та жүр­гізген реформалары жаңа­шыл­дығымен зор мәнге ие. Оны бір біз емес әлемдегі алпауыт ел­дің басшылары да мойын­дайды. Интеграция идеясын бірінші болып айтқан да біздің Президент. Бірыңғай экономи­калық кеңістік күшіне енді.

Нұрсұлтан Әбішұлы жаңа, тың идеялар мен ұсыныстардың бастамашысы ретінде де өрке­ниет көшін бастаған мемлекет басшыларын мойындатқан бірегей тұлға. 

Ел дамуының басты бағыт­тарын саралағанда жас мемле­кетіміздің қол жеткізген бар­лық жетістіктері Нұрсұл­танның қиын­нан қиыстырар іскерлігі мен батылдығына, тікелей бай­ланысты екеніне еш шүбәңіз қалмайды. Көздегенін орын­дау­­ды ертеңге қалдырмай, дәл ме­зетінде іске асыратын қасиет өзіне сенімді тұлғаға ғана тән. Бұл тұрғыдан алғанда, Нұрсұл­танның қолға алған қай баста­масы да түпкі нәтижесінің тиім­ділігімен ерекшеленуде. Нұр­сұлтан Назарбаев әлемге өзін мойындатқан іскер де көре­ген, көшелі көшбасшы. 

Тәуелсіздіктің бастапқы кезеңінде Сыртқы істер ми­нистрі қызметінде Президент­пен бірге жарты әлемді шарла­дым. Ұлы Вальтер айтқан екен, «мемлекетті құру үшін бір мық­ты адам болса жеткілікті» деп. Дәл осы сөз біздің Нұрсұлтанға қарата айтылғандай. Мемлекет құрылысын таза ақ парақтан бастаған Президент Батыстың да Шығыстың да тәжірибесін түгел қамтуға тырысты. Қазақ­стан 23 жыл ішінде экономи­калық және әлеуметтік да­муын­да ғажайып нәтижелерге қол жеткізсе, бұл жолда Елбасы сі­ңірген еңбек ерлікпен пара-пар. Елімізде жасалып жатқан жарқын істерді Президент аты­мен байланыстыру заңдылық. Назарбаев Тәуелсіз жас мемле­кеттің экономикалық және сая­­си даму бағыттарының тиімді моделін қалыптастыра білді. Осы­ның арқасында Қазақстан дағдарысты жылдам еңсеруді қамтамасыз ете алды. Елімізде экономиканың жұмыс істеуі мен дамуын жаңа негізде жүргізетін нарықтық институт­тар жүйесі құрылды. 

Қазіргі таңда Респуб­лика­мызда индустриялық-иннова­циялық жобалар қарқынды түр­де жүзеге асырылуда. Ма­ңызды жобаларды жүзеге асыру – заман талабы. Елі­міздің әлеуеті зор. Болашақ – бүгіннен де жарқын бола­рына сенім мол.

Исмайыл ОРАЗБАЕВ, зейнеткер:

Астананың бас сәулетшісі

Нұрсұлтанмен 1958 жылы Днепро­дзержинскідегі нөмірі 8-техникалық училищеде кездестік. Сол жылы Оңтүстік Қазақстан об­лысы Ленгір ауданы Қасқасу аулындағы Куйбышев атындағы орта мектепті бітірген бола­тынмын. Бір күні мектеп директоры шақы­рып жатыр деген соң, бардым. Ол кісі аудан орталығында болғанын, 10 сыныпты тамамдаған балаларды Қазақстан Магниткасын игеруге, Теміртауға комсомолдық жолдама­мен жіберетінін айтты. Содан аудан­дық комсомол комитетіне барып жолық­қан едім, мәселенің мән-жайымен түбегейлі таныстырған олар, соңында қолыма жолдама ұстатып жіберді.

Днепродзержинскіде еліміздің түкпір-түкпірінен келген жастар жа­тақханаға орналастық. Тәлімгер­ле­ріміз комбинатты аралатып, ар­найы экскурсия жасатты. Үш түрлі маман­дықтың бірін таңдауға бо­латынын түсіндірді. Нұрсұлтан са­бырлы, сал­мақты жігіт болып кө­рінді. Алғашқы сәттен-ақ өзін қы­зықтырған сауал­дарға берілген жауапты мұқият тыңдап, бәрін біл­мекке ұмтылысы таңғалдырған-ды.

Содан бері Нұрсұлтан Әбішұлы бір мен емес, оны білетіндердің бәрін өзгелерден ерекше ойлап, іс тынды­руымен таңғалдырып келе жатыр. Тәуелсіз Қазақстанды әлем­ге танытуда Нұрсұлтан Назар­баев­тың рөлі өлшеусіз. КСРО деген алып империя­дан іргесін бөлектеген жас мемлекеттің қиыншылық құр­сауында шырматы­лып қалмай, еңсесін тез көтеруінде, зор ұйымдас­тырушылық қабілетке ие, Нұрсұлтан Әбішұлының еңбегі ұлан-ғайыр. Оған бүкіл әлем куә.

Тәуелсіздіктің бастапқы кезе­ңін­дегі қиыншылық әлі естен шыға қойған жоқ. Міне, енді бұл күндері Қазақстан қиындықты кері ысырып қана қоймай, өркениеттің көшба­сындағы 50 елдің қатарынан көрініп отыр. Бұл сөз жоқ Елбасының сараб­­дал саясатының нәтижесінде іске асқан игілік. Бәрі де көпшіліктің көз алдында, бәрін тізбектеп жату шарт болмас.

Бір ғана Астананың өзі не тұра­ды! Арқа төрінен бой көтерген әсем қала Астананың көздің жауын алар көкке шаншылған ғимараттары қан­дай көркем десеңізші! Бейнебір ертегі­дей жыл санап емес, ай санап өркен жайған Астананың айбынды келбеті ел экономикасының көр­сеткішіндей көңілді марқайтады. Мұндағы әрбір ғимараттың ар­хи­тектуралық келбе­тінің ерекше, бірін-бірі қайталамайтын сипа­тымен даралануы кімді болса да сүйсінтпей қоймайды. Әрбір нысан­ның архитектурадағы ең озық үлгі­лерге сай болуын басты назарда ұстайтын Астананың бас сәулетшісі де Елбасының өзі.

Астана – Нұрсұлтан Назаарбаев­тың тікелей бақылауымен салынып жатқан қала. Мұны жалғыз біз емес, елімізге табан тіреген шетелдік мей­мандардың кез келгені мойындайды. Ресей премьер-министрі Дмитрий Медведевтің «Астана –Нұрсұлтан Назарбаевтың туған баласы, оның үлкен жетістігі және күмәнсіз мақта­нышы» деуі соның бір дәлелі.

2010 жылы әлем назарын бір сәт Астанаға аударғаны мәлім. ЕҚЫҰ Саммитінің аясында «Астана декла­рациясы» қабылдануымен Астана тарихта мәңгілікке қалды. Ал Сам­мит, сөз жоқ, маңызы айрықша оқ­иға. Италияның премьер-ми­нистрі Силь­вио Берлусскони сол кезде «Сіз адам сенбес жобаны іске асыра алдыңыз!» деп ағынан жарыл­ғанда Нұрсұлтандай Президенті бар барша қазақстандықтар бір марқайып қалған-ды. Ақиқаты да, шыны да сол. Батыстың беделді ұйы­мы­на Азия елдерінен алғашқы төраға болған елміз. Бұл да тікелей Нұрсұлтан Әбішұлының зор беделінің арқасында жүзеге асқан игі шара екені даусыз.

Нұрсұлтан Әбішұлының еш­кімге ұқсамайтын басты қасиетінің бірі – ірі-ірі жиындарда, басқосу­ларда жаңа, тың бастама көтеруімен ерекшеленуі. Бұл жолы құрлықтың тұтас қауіпсіздігі жөніндегі баста­масымен өркениет көшін бастаған елдерді тағы бір тәнті еткені белгілі. Қазақстан – Тәуелсіздік жылда­рын­дағы кез келген табысына, көреген Көшбасшысының сындарлы сая­сатының арқасында қол жеткізгені анық.