Кеше, 11 маусым Парламент Сенатының төрағасы Қасымжомарт Тоқаевтың төрағалық етуімен өткен Сенат отырысында ҚР Үкіметі мен Республикалық бюджеттің атқарылуын бақылау жөніндегі есеп комитетінің 2013 жылғы республикалық бюджеттің атқарылуы туралы есебі тыңдалды.

Baq.kz-тің хабарлауынша отырыста Республикалық бюджеттің атқарылуын бақылау жөніндегі есеп комитетінің төрағасы Қозы-Көрпеш Жаңбыршин баяндама жасап, халықтың жан басына шаққандағы орташа табысы туралы мәлімдеген. Оның айтуынша халықтың табысы туралы көрсеткіштер төмендегідей:

- Халықтың орташа жан басына шаққандағы ақшалай табыстары 2013 жылы 3,0 %-ға ұлғайып, көрсеткіш 674,9 мың теңгені құрады. Ал Статистика агенттігінің алдын ала деректері бойынша, 2013 жылы жұмыссыздық деңгейі 5,2 %-ға төмендесе (2012 ж. - 5,3%), жұмыспен қамтылғандар саны 8 526,7 мың адамнан 8 590,7 мың адамға ұлғайған. Жұмыспен қамтылған халықтың құрамында өзін-өзі жұмыспен қамтығандардың үлесі 31,9%-дан 30,9%-ға төмендеді.

Абай-ақпарат