كەشە، 11 ماۋسىم پارلامەنت سەناتىنىڭ توراعاسى قاسىمجومارت توقاەۆتىڭ توراعالىق ەتۋىمەن وتكەن سەنات وتىرىسىندا قر ۇكىمەتى مەن رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ 2013 جىلعى رەسپۋبليكالىق بيۋدجەتتىڭ اتقارىلۋى تۋرالى ەسەبى تىڭدالدى.

Baq.kz-ءتىڭ حابارلاۋىنشا وتىرىستا رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ توراعاسى قوزى-كورپەش جاڭبىرشين بايانداما جاساپ، حالىقتىڭ جان باسىنا شاققانداعى ورتاشا تابىسى تۋرالى مالىمدەگەن. ونىڭ ايتۋىنشا حالىقتىڭ تابىسى تۋرالى كورسەتكىشتەر تومەندەگىدەي:

- حالىقتىڭ ورتاشا جان باسىنا شاققانداعى اقشالاي تابىستارى 2013 جىلى 3,0 %-عا ۇلعايىپ، كورسەتكىش 674,9 مىڭ تەڭگەنى قۇرادى. ال ستاتيستيكا اگەنتتىگىنىڭ الدىن الا دەرەكتەرى بويىنشا، 2013 جىلى جۇمىسسىزدىق دەڭگەيى 5,2 %-عا تومەندەسە (2012 ج. - 5,3%), جۇمىسپەن قامتىلعاندار سانى 8 526,7 مىڭ ادامنان 8 590,7 مىڭ ادامعا ۇلعايعان. جۇمىسپەن قامتىلعان حالىقتىڭ قۇرامىندا ءوزىن-ءوزى جۇمىسپەن قامتىعانداردىڭ ۇلەسى 31,9%-دان 30,9%-عا تومەندەدى.

اباي-اقپارات