Украина 27 маусымнан кешікпей ЕО-мен ассоциацияға қол қоюы тиіс, бұл туралы сенбі күні инаугурацияға келген шетелдік делегациямен және Украинадағы  дипломаттық корпуспен  кездесуінде Петр Порошенко мәлімдеген.

Син Хуа агенттігінің мәлімдеуінше Украина президенті Брюссель жауапты шешім қабылдайтын болса құжатқа қол қоюға дайын екенін жеткізген. Және ол өз сөзінде: «Біз аталған құжатқа биылғы жылдың 27 маусымынан кешікпей қол қоюымыз керек», - деп баса айтқан.

П. Порошенко сондай-ақ, АҚШ пен ЕО өкілдеріне «Украинаның азаттығын қолдағаны» үшін алғыс білдірген. Әрі Украина Еуропалық мемлекет ретінде дамитын болады деген.

Естеріңізге сала кететін болсақ былтырғы жылдың желтоқсанында, сол кездегі Украина президенті В. Янукович ЕО-мен ассоциацияға қол қоюдан бас тартқан соң елде саяси толқу басталып кетіп еді. 

Абай-ақпарат