ۋكراينا 27 ماۋسىمنان كەشىكپەي اسسوتسياتسياعا قول قويادى
ۋكراينا 27 ماۋسىمنان كەشىكپەي ەو-مەن اسسوتسياتسياعا قول قويۋى ءتيىس، بۇل تۋرالى سەنبى كۇنى يناۋگۋراتسياعا كەلگەن شەتەلدىك دەلەگاتسيامەن جانە ۋكرايناداعى ديپلوماتتىق كورپۋسپەن كەزدەسۋىندە پەتر پوروشەنكو مالىمدەگەن.
سين حۋا اگەنتتىگىنىڭ مالىمدەۋىنشە ۋكراينا پرەزيدەنتى بريۋسسەل جاۋاپتى شەشىم قابىلدايتىن بولسا قۇجاتقا قول قويۋعا دايىن ەكەنىن جەتكىزگەن. جانە ول ءوز سوزىندە: ء«بىز اتالعان قۇجاتقا بيىلعى جىلدىڭ 27 ماۋسىمىنان كەشىكپەي قول قويۋىمىز كەرەك»، - دەپ باسا ايتقان.
پ. پوروشەنكو سونداي-اق، اقش پەن ەو وكىلدەرىنە «ۋكراينانىڭ ازاتتىعىن قولداعانى» ءۇشىن العىس بىلدىرگەن. ءارى ۋكراينا ەۋروپالىق مەملەكەت رەتىندە داميتىن بولادى دەگەن.
ەستەرىڭىزگە سالا كەتەتىن بولساق بىلتىرعى جىلدىڭ جەلتوقسانىندا، سول كەزدەگى ۋكراينا پرەزيدەنتى ۆ. يانۋكوۆيچ ەو-مەن اسسوتسياتسياعا قول قويۋدان باس تارتقان سوڭ ەلدە ساياسي تولقۋ باستالىپ كەتىپ ەدى.
اباي-اقپارات
