«Үлкен жетілік» басшылары Брюссельде өткен саммитте, Украинаға қатысты әрекеттері үшін Ресейге жаңа санкциялар дайын екені туралы ескертпе айтқан. G7 көшбасшылары Ресейді  «Украина суверенитетін бұзуды жалғастырып келеді» деп айыптайды. Бұл туралы BBC хабарлады. Брюссель саммиті Мәскеудің Қырымды аннекциялап алып, Сочиде жоспарланған отырыс болмай қалып,  G8 қатарынан Ресей шығарылғаннан кейінгі алпауыт мемлекеттердің бірінші кездесуі болып табылады.

Саммитте Германия канцлері Ангела Меркель: "Біз Украинаға қолдау көрсетеміз және мынадай оң қадам жасау бойынша Ресеймен келіссөздер жүргіземіз. Егер жағдай оңалмаса, онда экономикалық санкциялар енгізудің үшінші кезеңін бастау жайын қарастырамыз. Бұл жағдай келісілді", - деген. Ангела Меркельдің сөзіне қарағанда, Нормандияда Ресей президенті Владимир Путинмен кездесуге қатысушылар Путинді Украинаның жаңа президенті Петр Порошенкомен елдегі тұрақтылықты қамтамасыз етуде ынтымақтаса жұмыс істеуге шақырмақ. Одан өзге G7 елдері Ресйді басқа да қадамдар жасауға үндейді. "Сонымен қоса, Путин орыс-украин шекарасынан өтіп жатқан сепаратисттер мен қару-жарақ легін тоқтатуға атсалысуы керек", - деп мәлімдеді Ангела Меркель.

Сонымен қатар Польшада Петр Порешенкомен кездескен АҚШ президенті Барак Обама Украинаға 23 миллион доллар көмек қаражатын бөлетіні туралы айтқан.  Бұл кездесуде сондай-ақ Вашингтонның  құны 5 миллион доллар тұратын бронды жилеттер мен түнде көретін аспаптарды Киевке беретіні туралы хабарланды.

Абай-ақпарат