«Ýlken jetilik» basshylary Brusselide ótken sammitte, Ukrainagha qatysty әreketteri ýshin Reseyge jana sanksiyalar dayyn ekeni turaly eskertpe aitqan. G7 kóshbasshylary Reseydi  «Ukraina suvereniytetin búzudy jalghastyryp keledi» dep aiyptaydy. Búl turaly BBC habarlady. Brusseli sammiyti Mәskeuding Qyrymdy anneksiyalap alyp, Sochiyde josparlanghan otyrys bolmay qalyp,  G8 qatarynan Resey shygharylghannan keyingi alpauyt memleketterding birinshi kezdesui bolyp tabylady.

Sammitte Germaniya kansleri Angela Merkeli: "Biz Ukrainagha qoldau kórsetemiz jәne mynaday ong qadam jasau boyynsha Reseymen kelissózder jýrgizemiz. Eger jaghday onalmasa, onda ekonomikalyq sanksiyalar engizuding ýshinshi kezenin bastau jayyn qarastyramyz. Búl jaghday kelisildi", - degen. Angela Merkeliding sózine qaraghanda, Normandiyada Resey preziydenti Vladimir Putinmen kezdesuge qatysushylar Putindi Ukrainanyng jana preziydenti Petr Poroshenkomen eldegi túraqtylyqty qamtamasyz etude yntymaqtasa júmys isteuge shaqyrmaq. Odan ózge G7 elderi Resydi basqa da qadamdar jasaugha ýndeydi. "Sonymen qosa, Putin orys-ukrain shekarasynan ótip jatqan separatistter men qaru-jaraq legin toqtatugha atsalysuy kerek", - dep mәlimdedi Angela Merkeli.

Sonymen qatar Polishada Petr Poreshenkomen kezdesken AQSh preziydenti Barak Obama Ukrainagha 23 million dollar kómek qarajatyn bóletini turaly aitqan.  Búl kezdesude sonday-aq Vashingtonnyng  qúny 5 million dollar túratyn brondy jiyletter men týnde kóretin aspaptardy Kiyevke beretini turaly habarlandy.

Abay-aqparat