Индустрияландыру күні аясында Мемлекет басшысы Нұрсұлтан Назарбаевтың қатысуымен 15 жаңа нысан іске қосылды.

«Онлайн» режимінде өткен шарада индустрияландыру картасы бойынша бекітілген жаңа жобалардың тұсауы кесілді.

Олардың қатарында:

Шығыс Қазақстан облысындағы «Посук Титаниум» ЖШС-ның титан құймалары мен балқымалары өндірісінің зауыты, Қарағанды облысының «Алтыналмас» АК» алтын өндіруші фабрикасы, Ақтөбе рельс арқалық зауыты, Орал трансформатор зауытының электротехникалық өнімдер өндірісі, халықаралық Батыс Еуропа-Батыс Қытай транзиттік дәлізінің: Сырдария өзені арқылы өтетін 220 метрлік көпір – бөлігі, Алматы облысы бойынша «Қорғас - Шығыс қақпасы» АЭА құрғақ порты, Маңғыстау облысындағы «АСКИ-Маңғыстау» ЖШС мұнай сақтау және мұнай өнімдерін сақтау терминалы, Степногорск күкірт қышқылы өндірісінің зауыты, Жамбыл облысындағы қуаты 21 МВт жел электрстанциясы құрылысының бірінші кезеңі, Алматы қаласындағы «Сәуле» тігін-тоқыма фабрикасы, «Оңтүстік» арнайы экономикалық аймағына кіретін, бельгиялық технология бойынша кілемдер өндіруші – «Назар Текстиль» ЖШС зауыты,  Павлодар облысындағы «Компания Нефтехим LTD» ЖШС-ның ұнтақ полипропилен грануляциясы цехы, Хош иісті көмірсутектер өндірісінің кешені, Солтүстік Қазақстан облысындағы «ӘулиеГолдМайнинг» алтын өндіру фабрикасы және Астанадағы «Астык Логистик» ЖШС-ның «А» сыныбы санатындағы қоймалық кешені.
Сондай-ақ, жалпыұлттық телекөпір барысында елдің индустриялық саясатының алғашқы бесжылдығының нәтижелері қорытындыланып, өңірлердегі бұған дейін пайдалануға берілген өндірістердің қалай жұмыс істеп тұрғандығы көрсетілді

Абай-ақпарат.