«Қолжетімді баспана-2020» бағдарламасы бойынша пәтер бөлу онлайн режимде өтеді
Тұрғын ұй құрылыс жинақ банкі бағыты бойынша «Қолжетімді баспана-2020» бағдарламасының жұмысы ашық болуы үшін адам факторы алынып тасталды. Бұл туралы Алматыда өткен брифинг барысында «Қазақстан тұрғын үй құрылыс жинақ банкі» АҚ басқарма төрағасы Айбатыр Жұмағұлов мәлімдеген болатын.
«Қолжетімді баспана-2020» бағдарламасы бойынша баллды есептеу мен пәтер бөлу процесінің ашық өтуі үшін толығымен адам факторының әсері алынып тасталды. Банкте аталған үдерістер толығымен автоматтандырылған, процесті онлайн режимде банк сайтынан қарап отыруға болады», - дейді басқарма төрағасы.
Тұрғын ұй құрылыс жинақ банкі арқылы қазір үй сатып алушылар пулына қатысу үшін өтінішті интернет арқылы беруге болады. Осы арада ескертетін жайт: тіркеу кезінде өтінішке тиісті нөмір бірге бекітіледі. Пулдар бойынша пәтер бөлу онлайн режимде өтіп жатыр және барлық мәліметтер банктің сайтында бірден жариялануда.

Абай-ақпарат