15 шілдеде, Ахмет Дағдуран басшылығындағы Түркі халықтары мәдениеті қорының ұйымдастырурымен өткен ауызашарда Мұхтар Шахановқа «Түркі әлемі парламентариялық одақ» ұйымының Қазақстан төрағасы құзіретін беретін ресми құжат табысталды. Ұйымның орталығы Анкарада орналасқан. Қазақстандағы хатшысы Нұрғали Жүсіпбай.

Ауызашарға жиналған жұртқа Turkalemitv.com - интернет жүйесі арқылы 24 сағат қызмет атқаратын жаңа жоба смарт телеарна таныстырылды. Арнаның Төрағаасы Ихсан Дағдуран. Телеарнаның эфирі түрік халықтарының барылқ тілдерінде жүреді.

Естеріңізге салатын болсақ, 2013 жылы Нью-Йоркте өтекен «Түркі күні» атты мәдени-ғылыми конференцияда Қазақстанның халық жазушысы, Қырғызстанның халық ақыны, «Түркі тілдес халықтар арасындағы ең үздік әлем ақыны» атағының иегері, қоғам қайраткері Мұхтар Шахановқа  «Түркі әлеміне дара қызметі үшін» халықаралық сыйлығы табыс етілген болатын.

Абай-ақпарат