Жаһандық экономикалық дағдарыс, геосаяси шиеленістер, санкциялық текетірестер, сондай-ақ, энергия ресурстарына әлемдік бағаның төмендеуі әлемдік үдерістердің белсенді қатысушысы - біздің елімізге әсер етпеуі мүмкін емес.

Елбасы атап өткендей, «...таяудағы жылдар жаһандық сынақтардың уақыты болады. Әлемнің бүкіл архитектурасы өзгереді. Барлық елдер осы күрделі кезеңнен лайықты өте алмайды. Бұдан тек мықты мемлекеттер, жұдырықтай жұмылған халықтар ғана өтетін болады...». Осы мақсаттар бойынша Оңтүстік Қазақстан облысында аудан әкімдері Елбасы тапсырмаларын орындауда жүйелі жұмыстар жүргізуде. Біз бұл туралы осының алдында да жазған болатынбыз.

Елбасы Н.Ә.Назарбаевтың «Нұрлы жол – болашаққа бастар жол» атты Жолдауының Қазығұрт ауданында орындалуы бойынша ҚР Орталық коммуникациялар қызметінің ОҚО филиалында аудан әкімі Б.Қыстауов мәлімдеме жасады.

 Ауданда жоспарланған 88200 га егістік жер толығымен игеріліп, өткен жылмен салыстырғанда 2900 гектарға артқан. Мәселен, астық дақылдары 100891 тонна, мақсары 15800 тн, күнбағыс 775,2 тн, көкөніс 736 тн, картоп 520 тн, жүгері 1622 тонна өнім жиналған. Ал, аудан халқын қыс айларында көкөніс өнімдерімен қамтамасыз ету мақсатында жылыжай көлемі 82,8 га жеткізілген. Ағымдағы жылға берілген 8 га жылыжай салу тапсырмасы 9 айда 8,18 га болып орындалып 102,3 пайызды құраған. Олардан өндірілген 32800 тонна өнім Алматы, Астана, Шымкент қалаларына сатылуы қамтамасыз етілді.

 Сондай-ақ, брифингте аудан әкімі мемлекеттік бағдарлама «Сыбаға», «Құлан», «Алтын асық» аясында берілген тапсырмалар артығымен орындалған.

Ал, биыл Индустрияландыру картаға жалпы сомасы 1592,1 млн.теңгелік 5 жоба енгізілген. Сонымен қатар, ауданға жыл басынан бері 2461,2 млн. теңге көлемінде инвестиция тартылған.

Мемлекеттік бағдарламалардың бірі «Жұмыспен қамту 2020». Бұл бағытта атқарылған жұмыстар нәтижесінде аудан көлемінде 1800 жаңа жұмыс орнын ашу жоспарланса, 1978 жаңа жұмыс орындары ашылып жоспар 110 пайызға орындалды. Тұрақты және уақытша жұмысқа орналастыру жоспары 1080 адам болса, ол 1361 адам болып, жоспар 126 пайызға орындалып отыр. Ал, ақылы қоғамдық жұмысқа 431 адам жіберу қаралса, оған 444 адам тартылды. Жұмыспен қамтуға бөлінген 19958,0 мың теңге қаржы толығымен игерілген.

 Аудан әкімінің баспасөз қызметі