Қызылорда облысы, Жаңақорған ауданы тұрғыны Қалау Әшімов қозықа кезінде жылқы іздеп жүріп тауып алып, сиыр сүтімен асыраған арқар Азаттықрадиосы сайтында жарияланғаннан бері көпшіліктің қызығушылығын ғана тудырып қоймай, полицияның да назарына іліккен. Сөйтіп, «Қызыл кітапқа» енген жануар зообаққа бара ма, әлде иесінде қала ма деген сауалға әлі түпкілікті жауап жоқ. Белгісі – заң шеңберінде бірқатар жұмыстар қолға алынған көрінеді. «Мамандар қолдан келген көмекті жасап, заң бойынша құжатын заңдастыру мәселесін қарап жатыр. Әйтпесе, үйде рұқсатсыз ұстауға болмайды», деп түсінік берген Қызылорда облысы әкімінің баспасөз хатшысы Бекзат Жүсіп фейсбук әлеуметтік желісіндегі жеке парақшасында Арко туралы видео жүктеп, Арко әлі де Қалау Әшімовтың қолында екенін жария етті.

Abai.kz