قىزىلوردا وبلىسى، جاڭاقورعان اۋدانى تۇرعىنى قالاۋ ءاشىموۆ قوزىقا كەزىندە جىلقى ىزدەپ ءجۇرىپ تاۋىپ الىپ، سيىر سۇتىمەن اسىراعان ارقار ازاتتىقراديوسى سايتىندا جاريالانعاننان بەرى كوپشىلىكتىڭ قىزىعۋشىلىعىن عانا تۋدىرىپ قويماي، پوليتسيانىڭ دا نازارىنا ىلىككەن. ءسويتىپ، «قىزىل كىتاپقا» ەنگەن جانۋار زووباققا بارا ما، الدە يەسىندە قالا ما دەگەن ساۋالعا ءالى تۇپكىلىكتى جاۋاپ جوق. بەلگىسى – زاڭ شەڭبەرىندە بىرقاتار جۇمىستار قولعا الىنعان كورىنەدى. «ماماندار قولدان كەلگەن كومەكتى جاساپ، زاڭ بويىنشا قۇجاتىن زاڭداستىرۋ ماسەلەسىن قاراپ جاتىر. ايتپەسە، ۇيدە رۇقساتسىز ۇستاۋعا بولمايدى»، دەپ تۇسىنىك بەرگەن قىزىلوردا وبلىسى اكىمىنىڭ ءباسپاسوز حاتشىسى بەكزات ءجۇسىپ فەيسبۋك الەۋمەتتىك جەلىسىندەگى جەكە پاراقشاسىندا اركو تۋرالى ۆيدەو جۇكتەپ، اركو ءالى دە قالاۋ ءاشىموۆتىڭ قولىندا ەكەنىن جاريا ەتتى.

Abai.kz