Қазақстанда 20 мың адамның айлық жалақысы 50 мың АҚШ долларынан асады екен, – деп жазады news.mail.ru сайты.

 Мұндай деректі "Кенесары хан" қоғамдық қорының төрағасы Уәлихан Қайсар мырза айтып отыр.

«Бізден көптеген адамдар қайыршылықпен күресу үшін қаржыны қайдан алуға болады?» деп сұрайды. Біріншіден, бізде мемлекеттің және бюджеттің ақшасы талан-таражыға түспеуі керек. Бұл – негізгі кіріс көзі. Екіншіден, салық төлеу үдерісін бір қалыпқа түсіру керек. Яғни, байлар мен табысы мол адамдар кедейлерден көп салық төлеуі тиіс. Бүгінгі тәжірибеге қарасақ, салық төлеушілердің дені өз табысының он пайызын ғана мемлекет бюджетіне салады. Елімізде қазір 20 мың адамның айлық жалақысы 50 мың АҚШ долларынан асып  жығылады. Бұл адамдар оларды қолдап, осылай мол қаржы табуына мүмкіндік туғызып отырған елге көп салық төлеуі тиіс», –  деп мәлімдеді «Кенесары хан» ҚҚ-ның басшысы Уәлихан Қайсаров.

Өскемен қаласында өткен бұл жиынға оншақты адам мен бірнеше журналист қатысқан. Партия өкілдері жиынды жергілікті мектептің бір бөлмесінде партада отырып өткізді.

Abai.kz