ЕУРОПАРЛАМЕНТ ПУТИНГЕ ҚАРСЫ САНКЦИЯ ЕНГІЗУГЕ ШАҚЫРДЫ
Еуроодақтың Еуропарламент депутаттары Украина азаматшасы Надежда Савченкоға қатысты заңсыз әрекеттері үшін Ресей президенті Владимир Путинге және 28 адамға қарсы санкция салуға шақырды.
Аталған мазмұндағы үндеуді 57 депутат Еуроодақтың сыртқы саясат жөніндегі Жоғарғы өкілі Федерика Могериниге жіберді.
Олар санкция тізіміне Путиннен басқа Ресейдің Федералды қауіпсіздік қызметінің басшысы Александр Бортниковты, Мемлекеттік думаның халықаралық істер жөніндегі комитет төрағасы Алексей Пушковты, Тергеу комитетінің жоғары лауазымды қызметкерлерін және өздерін-өздері жариялаған Луган халықтық республикасының лидері Игорь Плотницкийді де енгізуді сұрады.
Абай-ақпарат
