Ақорданың твиттер әлеуметтік желісіндегі парақшасында Мемлекет басшысы Н. Назарбаев  ҰҚК төрағасы Владимир Жұмақановты қабылдағаны туралы жазылды.

Глава государства принял председателя Комитета национальной безопасности В.Жумаканова.

— Пресс-служба Акорды (@AkordaPress) June 8, 2016

Кездесу барысында Владимир Жұмақанов Мемлекет басшысына Ақтөбе облысындағы антитеррорлық операцияның барысы жайында баяндады.

Ұлттық қауіпсіздік комитетінің төрағасы қазіргі уақытта 13 адамның көзі жойылғанын, 14 адамның жарақат алғанын хабарлады. Сонымен қатар, қылмыс жасауға дайындалған 20 адамның бас тартқаны және олардың аты-жөндері анықталып, жауап алынғаны айтылды. Қазіргі уақытта 6 адам іздеуде жүр, олар Ақтөбе облысында көірнеді.

Қазақстан Президенті Ақтөбе облысында террорлық әрекеттерге қатысы бар адамдарды тауып, ұстау бойынша тиімді жұмыс жүргізудің қажеттілігін атап өтті.

«Біз олардың өңірде екенін білеміз, олардың аты-жөндері анықталды, халыққа ескерту жасалды. Барлығын, бірде-бірін қалдырмай ұстау қажет. Қарулы қарсылық көрсетсе, көздері жойылсын. Барлығы ең қатал жаза алсын», — деді Нұрсұлтан Назарбаев.

Қазір Қазақстанда террорлық қауіптің сары деңгейі, ал Ақтөбеде қызыл деңгейі енгізілген. Шабуыл жасаған 13 адам оққа ұшты, тағы төртеуі жараланды, енді алты адам іздеуде жүр.

Abai.kz