Жақында Оңтүстік Қазақстан облысында құрылыс өнеркәсібіндегі тауар өндірушілердің көрмесі өткізілмек. Бұл туралы «Abai.kz» порталы Оңтүстік Қазақстан облысы әкімінің баспасөз қызметіне сілтеме жасай отырып хабарлайды.

Құрметті оңтүстікқазақстандықтар! Сіздерді тамыздың екінші жексенбісі - құрылысшылар күніне орай ұйымдастырылатын құрылыс өнеркәсібіндегі жергілікті тауар өндірушілерінің көрмесіне шақырамыз,-деп хабарлайды ұйымдастырушылар.

Оңтүстік Қазақстан облысы кәсіпкерлік, индустриялды-инновациялық даму және туризм басқармасы ұйытқы болып отырған шараға Оңтүстік Қазақстан облысының 50-ден астам кәсіпорындары мен өңірдің ірі құрылыс компаниялары және мердігерлер қатысады деп күтілуде. Шара барысында

Жергілікті тауар өндірушілерінің өнімдерін өткізуде нарықтарын кеңейту және ірі әлеуметтік және инфрақұрылымдық нысандар құрылысында жергілікті қамту үлесін арттыруды мақсат еткен көрмеге «Шымкентцемент» АҚ, «Стандарт Цемент» ЖШС, «Gold Aluminium» ЖШС және «Karlskrona LC AB» ЖШС сынды белгілі өнеркәсіп орындары қатыспақ.

Жергілікті тауар өндірушілердің көрмесі ертең, 12 тамыз күні, сағат 10:00-де «Көрме орталығында» басталып, күні бойына жалғаспақ.

Бұл туралы толық мәліметтерді: Оңтүстік Қазақстан облысы әкімінің ресми сайтынан ала аласыздар.

Abai.kz