جاقىندا وڭتۇستىك قازاقستان وبلىسىندا قۇرىلىس ونەركاسىبىندەگى تاۋار وندىرۋشىلەردىڭ كورمەسى وتكىزىلمەك. بۇل تۋرالى «Abai.kz» پورتالى وڭتۇستىك قازاقستان وبلىسى اكىمىنىڭ ءباسپاسوز قىزمەتىنە سىلتەمە جاساي وتىرىپ حابارلايدى.

قۇرمەتتى وڭتۇستىكقازاقستاندىقتار! سىزدەردى تامىزدىڭ ەكىنشى جەكسەنبىسى - قۇرىلىسشىلار كۇنىنە وراي ۇيىمداستىرىلاتىن قۇرىلىس ونەركاسىبىندەگى جەرگىلىكتى تاۋار وندىرۋشىلەرىنىڭ كورمەسىنە شاقىرامىز،-دەپ حابارلايدى ۇيىمداستىرۋشىلار.

وڭتۇستىك قازاقستان وبلىسى كاسىپكەرلىك، يندۋستريالدى-يننوۆاتسيالىق دامۋ جانە تۋريزم باسقارماسى ۇيىتقى بولىپ وتىرعان شاراعا وڭتۇستىك قازاقستان وبلىسىنىڭ 50-دەن استام كاسىپورىندارى مەن ءوڭىردىڭ ءىرى قۇرىلىس كومپانيالارى جانە مەردىگەرلەر قاتىسادى دەپ كۇتىلۋدە. شارا بارىسىندا

جەرگىلىكتى تاۋار وندىرۋشىلەرىنىڭ ونىمدەرىن وتكىزۋدە نارىقتارىن كەڭەيتۋ جانە ءىرى الەۋمەتتىك جانە ينفراقۇرىلىمدىق نىساندار قۇرىلىسىندا جەرگىلىكتى قامتۋ ۇلەسىن ارتتىرۋدى ماقسات ەتكەن كورمەگە «شىمكەنتتسەمەنت» اق، «ستاندارت تسەمەنت» جشس، «Gold Aluminium» جشس جانە «Karlskrona LC AB» جشس سىندى بەلگىلى ونەركاسىپ ورىندارى قاتىسپاق.

جەرگىلىكتى تاۋار وندىرۋشىلەردىڭ كورمەسى ەرتەڭ، 12 تامىز كۇنى، ساعات 10:00-دە «كورمە ورتالىعىندا» باستالىپ، كۇنى بويىنا جالعاسپاق.

بۇل تۋرالى تولىق مالىمەتتەردى: وڭتۇستىك قازاقستان وبلىسى اكىمىنىڭ رەسمي سايتىنان الا الاسىزدار.

Abai.kz