Алты күннен бері жоғалып кеткен қазақстандықтың туыстары ол жөнінде қандай да бір ақпарат ала-алмай отыр. Ниязовпен бірге әуежайда болған жерлесі оның үнемі сақал өсіретінін, бірақ ешқандай тыйым салынған діни ұйымдарға кірмейтінін айтады. «Оны бөлек бөлмеге кіргізді, осыдан кейін ол қайтып шықпады», – дейді әуежайда оны көрген жігіт.

Кейбір мәліметтерге қарағанда, өзбекстандық құқық қорғау органдарының өкілдері оны көлікке күштеп отырғызып, белгісіз бағытқа алып кеткен.

Тәшкенттегі Қазақстан елшілігі бұл жөнінде ешқандай ақпарат білмейтінін, егер Ниязовтың туыстары реми түрде шағымданса, бұл істі қарауға дайын екендіктерін айтады. Жоғалған азаматтың туыстары да оның радикалды дінге еш қатысы болмаған дейді.