التى كۇننەن بەرى جوعالىپ كەتكەن قازاقستاندىقتىڭ تۋىستارى ول جونىندە قانداي دا ءبىر اقپارات الا-الماي وتىر. نيازوۆپەن بىرگە اۋەجايدا بولعان جەرلەسى ونىڭ ۇنەمى ساقال وسىرەتىنىن، بىراق ەشقانداي تىيىم سالىنعان ءدىني ۇيىمدارعا كىرمەيتىنىن ايتادى. «ونى بولەك بولمەگە كىرگىزدى، وسىدان كەيىن ول قايتىپ شىقپادى»، – دەيدى اۋەجايدا ونى كورگەن جىگىت.

كەيبىر مالىمەتتەرگە قاراعاندا، وزبەكستاندىق قۇقىق قورعاۋ ورگاندارىنىڭ وكىلدەرى ونى كولىككە كۇشتەپ وتىرعىزىپ، بەلگىسىز باعىتقا الىپ كەتكەن.

تاشكەنتتەگى قازاقستان ەلشىلىگى بۇل جونىندە ەشقانداي اقپارات بىلمەيتىنىن، ەگەر نيازوۆتىڭ تۋىستارى رەمي تۇردە شاعىمدانسا، بۇل ءىستى قاراۋعا دايىن ەكەندىكتەرىن ايتادى. جوعالعان ازاماتتىڭ تۋىستارى دا ونىڭ راديكالدى دىنگە ەش قاتىسى بولماعان دەيدى.