Осы жылдың 30 қыркүйек күні Облыстық бiрыңғай байланыс орталығына (тел. 39-55-55) Шымкент қаласы Қайтпас-1 елді мекені Жұмабек көшесінің тұрғынынан шағым түскен еді. Бұл туралы «rgmedia.kz» сайты хабарлайды.

Онда азамат электр куатының өшіп қалғандығы туралы хабарлаған болатын. Аталған шағым «Call орталығының» мамандарымен жедел түрде тиісті мекемеге жіберілді. Жұмыс барысында белгілі болғандай арнайы жоспарланған жөндеу жұмыстары жүргізілуіне байланысты электр қуатын уакытша өшіріп, кешкі сағат 18:00-ге дейiн берілетіндігін хабарлаған болатын. Осы мәселені «Оңтүстік Жарық Транзит» ЖШС мекемесі тікелей өз жауапкершіліктеріне алып,мекеменің арнайы мамандары жөндеу жұмыстарымен айналысты. Қазіргі таңда осы мәселе оң шешімін тауып, тұрғындар электр жарығынан тапшылық көріп отырған жоқ. Өшіп қалу мәселесі сап тиылды.

Бұл ақпарат ОҚО әкімдігінің тұрғын-үй және коммуналды шаруашылық мәселелері жөнінде мәліметтер бөлісетін Ontustik_derek деп аталатын инстаграм парақшасында жарияланды. Осы фотоақпараттың астына тұрғындар пікір жазып, рақметтерін айтуда. Басқа да мұндай парақшалар «Ашық әкімдік» жобасының аяясында жұмыстарын қарқынды түрде жүргізіп жатыр. Зерттеп қарасақ, қазір әкімдікке, арнайы мекемелерге шағымдану әлдеқайда жеңілдеген. Мұның бәрі «Ашық әкімдік» жобасы аясында оңтайландырылғаны белгілі. Қазір интернет бетінде әкімдік пен басқармалар өз жұмыстарын әлеуметтік желі арқылы да жүргізіп, тұрғындармен тығыз байланыс орнатты.

Абай ақпарат