وسى جىلدىڭ 30 قىركۇيەك كۇنى وبلىستىق بiرىڭعاي بايلانىس ورتالىعىنا (تەل. 39-55-55) شىمكەنت قالاسى قايتپاس-1 ەلدى مەكەنى جۇمابەك كوشەسىنىڭ تۇرعىنىنان شاعىم تۇسكەن ەدى. بۇل تۋرالى «rgmedia.kz» سايتى حابارلايدى.

وندا ازامات ەلەكتر كۋاتىنىڭ ءوشىپ قالعاندىعى تۋرالى حابارلاعان بولاتىن. اتالعان شاعىم «Call ورتالىعىنىڭ» ماماندارىمەن جەدەل تۇردە ءتيىستى مەكەمەگە جىبەرىلدى. جۇمىس بارىسىندا بەلگىلى بولعانداي ارنايى جوسپارلانعان جوندەۋ جۇمىستارى جۇرگىزىلۋىنە بايلانىستى ەلەكتر قۋاتىن ۋاكىتشا ءوشىرىپ، كەشكى ساعات 18:00-گە دەيiن بەرىلەتىندىگىن حابارلاعان بولاتىن. وسى ماسەلەنى «وڭتۇستىك جارىق ترانزيت» جشس مەكەمەسى تىكەلەي ءوز جاۋاپكەرشىلىكتەرىنە الىپ،مەكەمەنىڭ ارنايى ماماندارى جوندەۋ جۇمىستارىمەن اينالىستى. قازىرگى تاڭدا وسى ماسەلە وڭ شەشىمىن تاۋىپ، تۇرعىندار ەلەكتر جارىعىنان تاپشىلىق كورىپ وتىرعان جوق. ءوشىپ قالۋ ماسەلەسى ساپ تيىلدى.

بۇل اقپارات وقو اكىمدىگىنىڭ تۇرعىن-ءۇي جانە كوممۋنالدى شارۋاشىلىق ماسەلەلەرى جونىندە مالىمەتتەر بولىسەتىن Ontustik_derek دەپ اتالاتىن ينستاگرام پاراقشاسىندا جاريالاندى. وسى فوتواقپاراتتىڭ استىنا تۇرعىندار پىكىر جازىپ، راقمەتتەرىن ايتۋدا. باسقا دا مۇنداي پاراقشالار «اشىق اكىمدىك» جوباسىنىڭ اياياسىندا جۇمىستارىن قارقىندى تۇردە جۇرگىزىپ جاتىر. زەرتتەپ قاراساق، قازىر اكىمدىككە، ارنايى مەكەمەلەرگە شاعىمدانۋ الدەقايدا جەڭىلدەگەن. مۇنىڭ ءبارى «اشىق اكىمدىك» جوباسى اياسىندا وڭتايلاندىرىلعانى بەلگىلى. قازىر ينتەرنەت بەتىندە اكىمدىك پەن باسقارمالار ءوز جۇمىستارىن الەۋمەتتىك جەلى ارقىلى دا جۇرگىزىپ، تۇرعىندارمەن تىعىز بايلانىس ورناتتى.

اباي اقپارات