Сейсенбі, 23 Шілде 2024
3227 0 пікір 12 Сәуір, 2017 сағат 11:44

Бішкекте "Ақ үй" алдында Дача-СУ тұрғындары митингке шықты

Бішкекте президент резиденциясы жанында Дача-СУ тұрғындары митингке шықты. Олар қауіпті аймақта тұратындарды көшіріп, "Боинг" ұшағы апатынан зардап шеккендерге жәрдемақы беруін талап етеді.

Наразылық білдірушілердің қолында "Учак үнүнөн коркобуз" ("Ұшақ үнінен қорқамыз"), "Учак кайрадан кулабайт деп ким кепилдик берет?" ("Ұшақ қайта құламайды деп кім кепіл береді?") деген плакаттар бар. Құқық қорғау органдары қызметкерлерінің есебі бойынша, митингке 100-150 адам шыққан. Алайда митингті ұйымдастырушылар 300 адам шықты дейді.

Қырғызстан үкіметінің Шу облысы бойынша өкілі Турусбек Султаналиевтің айтуынша, Дача СУ тұрғындарын көшіру үшін Бішкекке жақын аудандарда бос жер жоқ. "Ал Жайыл, Панфилов және Мәскеу аудандарына көшуге олар келіспей жатыр", - дейді шенеунік.

Ол сонымен бірге үкімет зардап шеккендердің нақты тізімін шығарғанын, төтенше жағдайлар министрлігінің есеп шотына түскен 100 миллион сом оларға бөліп берілетінін айтты.

«Боинг-747-400» жүк ұшағы 2017 жылдың 16 қаңтарында таңғы сағат 7.20 шамасында «Манас» әуежайына жақын Дача СУ ауданына құлады. Апат салдарынан 39 адам қаза тапты. Оның төртеуі экипаж мүшесі.

Абай-ақпарат

0 пікір

Үздік материалдар

Абай мұрасы

Абай іліміндегі өмір мақсаты не?

Досым Омаров 1376
Ой түрткі

Әлмерек абыздың оралуы - Елге діннің оралуы

Бақтыбай Айнабеков 2166
Көршінің көлеңкесі

Ресей тілдік һәм саяси экспансияны қалай жүргізді?

Бейсенғазы Ұлықбек 2195