ФҚҚ: Петербургтегі терактіні ұйымдастырушының бауыры ұсталды
Ресейдің Федералдық қауіпсіздік қызметі Санкт-Петербург метросында теракт ұйымдастырды деген күдікпен ұсталған Аброр Азимовтың бауыры Акбар Азимов Мәскеуде қолға түскенін хабарлады.
3 сәуірде Петербург метросының вагонында жарылыс болып, 14 адам қаза тапты, 50-ге жуығы жараланды. Тергеу нұсқасы бойынша, шабуылды Ресей азаматтығы бар 22 жастағы Қырғызстан тумасы, жанкешті Акбаржон Жалилов жасаған.
Ресей полициясы терактіні Аброр Азимов ұйымдастырды деп есептейді. Ол ұсталды. Азимов тағылған айыптарды жоққа шығарды.
Абай-ақпарат
