"ЭКСПО-ның болғанынан боладысы қызық" деп суаxили xалқы босқа айтпаған. Автокөліктерді Желорда әуежайына баяғыдай жақын жолатпайды екен (соңғы кезде).

Таксиден түскен соң (базардан қайтқан әйелдер құсап), үлкенді-кішілі жүгіңді артынып-тартынып, кәдімгідей "марш-бросок" жасайсың. "Көдеден көп қайнағалар" осы күнге дейін "ай қарап жатқан" ау, деймін? Басты көрме басталғалы жатқанда бұл пысықбастар әуежайдың кіре берісін жөндеуге бел шеге кірісіп кетіпті. "Как раз вовремя" істелініп жатқан жұмыс қой. Бұған дейін ұйықтап жаттыңыздар ма? (деп сұрағалы тұрдым да сұрамадым).

Айтпақшы: Ұшатын уақыты күндізгі сағат он екі жарымға белгіленген ұшағымыз бір жарым сағатқа кейін шегерілді. Әскери шеруге дайындық жүріп жатқандықтан осылай болды деп түсіндірді. Базар жоқ, шыдаймыз ғой. Патриот емеспіз бе?

Желорда әуежайы. 02.05.2017

Серік Абас-Шах

Facebook-тегі парақшасынан