Өйткені, құрбандар бар жерде қылмыскерлер де бар.

Кез келген саяси жүйеге күйлеп, өзінің азаматтық, адамдық ұстанымын ұмытып, басбайлы жүйеге қызмет етіп кететін адамдар болады. Олар болған, қазір де бар, болашақта да болады.

Ашаршылық пен саяси репрессия құрбандарын еске алғанда сол зұлматтарды іске асырған жүйемен қатар саяси биліктің тапсырмасын қазақ даласының түкпір-түкпірінде жүзеге асырған қызылкөз белсенділер мен орындаушылардың аты аталып, тізімі жасалып, олардың қылмыстарын ашып көрсету керек. Меніңше, ең үлкен сабақ осы болмақ.

Жалпы, жүйеге күйлеп, саяси билік айтақтатқандардың бәрін қауып, талаған, талайтын адамдар да ұлт болмайды. Мұны да ұмытпаған жөн.

Өміржан Әбдіхалық

Facebook-тегі парақшасынан