Тележүргізуші Владимир Соловьёвқа берген сұхбатында президент әңгіме дипломаттар мен техникалық қызметкерлер жайында екенін айтты. Путиннің сөзінше, бұл - АҚШ Конгресінің Ресейге қарсы санкцияларына жауап.

Путин сонымен бірге әзірге АҚШ-қа қатысты қосымша шектеулер қоюға тырыспайтынын, бұл екі елдің ынтымақтастығына кері әсерін тигізуі мүмкін екенін ескертті.

Путиннің болжауынша, екі жақты қарым-қатынас жақын арада жақсармайды. Бірақ соған қарамастан терроризм, заңсыз қару тарату секілді өзекті проблемада халықаралық деңгейде қарым-қатынастың дамуы маңызды екенін атап өтті. Ресей лидері сириялық жанжалды реттеуде Мәскеу мен Вашингтон арасында өзара іс-қимылға оң баға берді.

Abai.kz