پۋتين: رەسەيدە اقش ديپميسسياسى 755 ادامعا قىسقارادى
رەسەي پرەزيدەنتى ۆلاديمير پۋتين رەسەيدە امەريكالىق ديپلوماتيالىق ميسسيادا جۇمىس ىستەيتىندەردىڭ سانى 755 ادامعا دەيىن قىسقاراتىنىن مالىمدەدى. ونىڭ سوزىنشە، شتات قۇرامى اقش-تاعى رەسەيلىك ديپميسسيانىڭ قۇرامىنداعىداي 455 ادام بولادى دەدى.
تەلەجۇرگىزۋشى ۆلاديمير سولوۆيوۆقا بەرگەن سۇحباتىندا پرەزيدەنت اڭگىمە ديپلوماتتار مەن تەحنيكالىق قىزمەتكەرلەر جايىندا ەكەنىن ايتتى. ءپۋتيننىڭ سوزىنشە، بۇل - اقش كونگرەسىنىڭ رەسەيگە قارسى سانكتسيالارىنا جاۋاپ.
پۋتين سونىمەن بىرگە ازىرگە اقش-قا قاتىستى قوسىمشا شەكتەۋلەر قويۋعا تىرىسپايتىنىن، بۇل ەكى ەلدىڭ ىنتىماقتاستىعىنا كەرى اسەرىن تيگىزۋى مۇمكىن ەكەنىن ەسكەرتتى.
ءپۋتيننىڭ بولجاۋىنشا، ەكى جاقتى قارىم-قاتىناس جاقىن ارادا جاقسارمايدى. بىراق سوعان قاراماستان تەرروريزم، زاڭسىز قارۋ تاراتۋ سەكىلدى وزەكتى پروبلەمادا حالىقارالىق دەڭگەيدە قارىم-قاتىناستىڭ دامۋى ماڭىزدى ەكەنىن اتاپ ءوتتى. رەسەي ليدەرى سيريالىق جانجالدى رەتتەۋدە ماسكەۋ مەن ۆاشينگتون اراسىندا ءوزارا ءىس-قيمىلعا وڭ باعا بەردى.
Abai.kz
