Ашхабадта салқындатқышты тағы да жаппай алып тастап жатыр
Ашхабад билігі көпқабатты үйлерде, тұрғындар орналастырған салқындатқышты жаппай алып жатыр. Қазіргі кезде астанада арнайы көлік шағын аудандарды аралап, көзге көрінген салқындатқыштарды демонтаж жасап жатыр.
Тұрғындардың айтуынша, Ашхабад билігі шара қолданғанымен, тұрғындар салқындатқышты бәрібір орнатып жатыр.
“Жергілікті билік демонтаж жасағанымен, жаздыгүні ыстыққа шыдау мүмкін емес. Балалар шыдай алмай жылайды. Сол үшін мұздатқышты қайтадан орнатуға тура келеді. Оған 200-300 манат тағы төлейміз”, - дейді Мир-4 шағын ауданының тұрғындары.
Үш жыл бұрын билік көпқабатты үйлердің сыртында орнатылған салқындатқыштар қаланың сәнін кетіреді деп, жаппай алып тастауға бұйрық шығарған. Бұл тұрғындардың қарсылығын туғызған еді.
Abai.kz
