– Кеше мен қызыммен кездестім. Онымен сөйлесіп, кінәсіз екеніне көзімді жеткіздім. Қызым зорлық-зомбылықтан кейін, істемеген істі мойындадым дейді. Бүгін мен Өзбекстан президенті мен Жоғарғы сот төрағасына хат жаздым. Менің қызым тыңшы емес, – дейді 36 жастағы Зүлфияның әкесі.

Ол қызының жұмыс іздеп Тәжікстанға кеткеніне бола, айыпталғанын айтады.

– Менің қызымды Сырдария жылу электр станциясында жұмыс істеп жүргенінде тіркеу бөліміне алдап шақырып алған. Онда екі әйел қастандық жасаған. Кейін милиция келіп, қызымды алып кеткен. Оны бұзақылық жасады деп 10 тәулікке қамаған. Бұл жөнінде тіптен бізге хабар да бермеген. Ол қамауда отырғанда, арнайы қызметтің тергеушісі Зоир Тұрсынов қысым көрсетіп, істемеген қылмысын мойындатқызып, қол қойдырып алған, – дейді Халимов.

36 жастағы Зүлфия Халимованың ісі Өзбекстанның әскери сотында жабық есік жағдайында өткен.

Abai.kz