Қала әкімдігі таратқан ресми мәліметке қарағанда, 17 қыркүйекте жергілікті уақыт бойынша сағат 11:56 кезінде "Сарыарқа" ауданында Алаш 25 мекен-жайы бойынша орналасқан құрылыс жұмыстары жүріп жатқан нысанның төбесі мен қабырғасының бір бөлігі құлаған. Алдын ала мәліметтер бойынша оқиға салдарынан 2 адам қаза болып, біреуі ауруханаға жеткізілген. Үшеуі де Өзбекстан азаматтары деп хабарлады қала әкімдігі.

Төтенше оқиға болған нысанға тапсырыс беруші, нысанның бас мердігері, авторлық қадағалау өкілі және құрылыс учаскесінің бастығы Астананың ішкі істер департаментіне жеткізілген.

Тергеу жүріп жатыр.

Abai.kz