قالا اكىمدىگى تاراتقان رەسمي مالىمەتكە قاراعاندا، 17 قىركۇيەكتە جەرگىلىكتى ۋاقىت بويىنشا ساعات 11:56 كەزىندە "سارىارقا" اۋدانىندا الاش 25 مەكەن-جايى بويىنشا ورنالاسقان قۇرىلىس جۇمىستارى ءجۇرىپ جاتقان نىساننىڭ توبەسى مەن قابىرعاسىنىڭ ءبىر بولىگى قۇلاعان. الدىن الا مالىمەتتەر بويىنشا وقيعا سالدارىنان 2 ادام قازا بولىپ، بىرەۋى اۋرۋحاناعا جەتكىزىلگەن. ۇشەۋى دە وزبەكستان ازاماتتارى دەپ حابارلادى قالا اكىمدىگى.

توتەنشە وقيعا بولعان نىسانعا تاپسىرىس بەرۋشى، نىساننىڭ باس مەردىگەرى، اۆتورلىق قاداعالاۋ وكىلى جانە قۇرىلىس ۋچاسكەسىنىڭ باستىعى استانانىڭ ىشكى ىستەر دەپارتامەنتىنە جەتكىزىلگەن.

تەرگەۋ ءجۇرىپ جاتىر.

Abai.kz