Түркіменстан астанасында қоғамдық көліктерде 1 қыркүйектен бастап жолақыны төлеудің жаңа ережесі шығады деген болатын. Бірақ пластикалық картаның көмегімен төлейтін құрылғылар тек 1 қазаннан бастап жұмыс істей бастаған.

Алайда 40 жастағы Ашхабад тұрғыны Сона қойылған аппараттардың дұрыс жұмыс істемейтінін алға тартады. Бұл жолаушыларға қиындық туғызып отыр дейді.

"Жүргізушіден автобустарда төлем аппараттары неге жұмыс істемейді деп сұрасаң, себебін өздері де білмейді. Бұл құрылғыларды әлі де жетілдіру керек”, - дейді 54 жастағы Бақтыгүл.

Қоғамдық көлікке арналған төлем карталары банктерде және пошта қызметінде 5 манаттан сатылады. Картаның студенттерге және зейнеткерлерге арналған жеңілдетілген түрлері де бар.

Abai.kz