«Қазіргі уақытта екі түрік полицейі тергеу ісі аясында қызметтерінен уақытша шеттелді», - делінген сыртқы істер министрлігінің баспасөз қызметі таратқан мәлімдемеде.

5 қазанда Түркиядағы қырғыз елшілігі Аланияның қауіпсіздік басқармасына хабарласқан. Ондағы қызметкер консулға болған оқиғаны растаған.

Жәбірленуші қазіргі уақытта медициналық және психологиялық көмек алып жатыр екен. Тергеу ісі аяқталғаннан кейін, жәбірленушіні отанына жіберу туралы шешім қаралады.

Түркияның Алания қаласында екі полицей қырғыз әйелін соққыға жыққан. Оны жергілікті тұрғындар видеоға түсіріп алған. Ал жергілікті полиция басшысы БАҚ-қа берген сұхбатында 40 жастағы қырғыз әйелінің психикалық ауытқушылығы бар деген.

Abai.kz