Өзбек азаматы мәскеулік метро рельсіне құлап кетті
Мәскеуде «Аннино» метро станциясында 39 жастағы өзбек азаматы рельске құлап кетті, деп хабарлады РИА Новости.
Сағат 12.05-те электр пойызы станцияға жақындаған сәтте ер азамат ресльке құлап кеткен. Оны байқаған машинист пойызды шұғыл тежеген. Мәскеулік метрополитендегі ішкі істер басқармасының қызметкерлері жедел жәрдем шақырған.
Қазір Өзбекстан азаматы ауруханада жатыр. Дәрігерлер науқастың басына зақым келіп, қолы сынғанын хабарлады. "Сұр" желідегі пойыз қозғалысы сағат 12.25-де қайта жалғасты.
Құқыққорғау қызметкерлері куәгерлерді сұрап шықты. Болған оқиғаға қатысты мәлімет прокуратураға жолданды.
Abai.kz
