Сыйлықты тағайындаушылар Феруздың "өлім қауіпіне қарамастан, ашық көзқарасы мен балғын күлкісінен таймағанын" атап өтті. "Андрей Сахаров та әлемге дәл осылай ашық әрі саналы көзбен қараған", - деді ұйымдастырушылар.

Әли Феруз (шын есімі Худоберди Нурматов) - Өзбекстан азаматы. Бірнеше жыл бойы Ресейде босқын мәртебесін ала алмай келеді. Адам құқығын қорғаушылар Ферузды елінде өлім қауіпі күтіп тұр деп есептейді.

Биыл тамыз айының басында журналисті Мәскеуде ұстады. Оны көші-қон заңдарын бұзды деп айыптады. Кейін ресейлік сот Ферузды депортациялау туралы шешімді орындауын Еуропалық сотта журналист шағымы қаралғанша тоқтатты. Бұл шешім шыққанға дейін Феруз шетелдіктерді уақытша ұстау орталығында тұруы тиіс.

Abai.kz