Жұма, 29 Наурыз 2024
Жағымды жаңалық 6763 13 пікір 1 Қараша, 2017 сағат 14:12

Нарынқол ауданы құрылады

Алматы облысында жаңа аудан құрылады. Ол - Нарынқол ауданы. Алматы облысының әкімі Амандық Баталов мырза бүгін Орталық коммуникациялар қызметінде баспасөз жиынын өткізді. Дәл сол жиында осы бір жаңалықты жария етті.

"Облысымызда жаңа аудан құрылатынын қуана айтамыз. Енді Үкіметтің қаулысы мен Президенттің шешімі шықса, аталған жаңалықты халыққа жеткіземіз. Біз жұмысшы топпен Нарынқол әкімшілік ауданына бардық. Ол жердегі жастардың дені ауылдан кетіп жатқанын, Алматының айналасында жұмыс жасап жүргенін көзімізбен көрдік. Сөйтіп, Нарынқол ауданын құру туралы ұсыныс жасадық. Шекарасын бөліп көрсетеміз. Қазір процедуралық жұмыстар қалды. Сосын шешім қабылданады. Ол үшін арнайы комиссия құрылып, Нарынқолдағы муниципалдық ғимараттардың жағдайын анықтайды. Келер жылдың бюджетіне кіргізіледі деп жоспарлап отырмыз", - деді Амандық Баталов мырза.

Естеріңізде болса, 2017 жылдың 10-тамызы күні  Алматы облыстық Мәслихатында осы мәселе талқыланып, Үкіметке ұсыныс жасалған болатын. Жаңа ауданның жалпы аумағы - 711 937 гектар жерді құрайды. Республикалық ономастикалық комиссия жаңа ауданға "Нарынқол" атауын беруді ұсынды.

Abai.kz

 

13 пікір

Үздік материалдар

Алғыс айту күні

Алғыс айту күні және оның шығу тарихы

Жомартбек Нұрман 1578
Алашорда

Қожанов межелеу науқанында (Жалғасы)

Бейбіт Қойшыбаев 2280
Ғибырат

Қайсар рухты ғазиз жан

Мұхтар Құл-Мұхаммед 3601