Ташкент облысы Кибрай ауданы құқық қорғау органында жұмыс істейтін қызметкердің хабарлауынша, студент елден қашып кетпек болған кезде ұсталған.

«Студент 13 желтоқсанда ұсталған. Ол Өзбекстан шекарасынан Қазақстан аумағына заңсыз өтпек болған. Оны ұстау барысында күдікті қарсыласып, шекара қызметкеріне пышақ сұқты. Жараланған қызметкер ауруханаға жеткізілді», – дейді ол.

Милиционердің сөздерінше, студентке үш бап бойынша қылмыстық іс қозғалған.

Ислам университетінің қауіпсіздік бойынша қызметкері ұсталған наманғандық студент бұрын-соңды оғаш қылығымен көзге түспегенін айтады. Ал бірге оқитын курстастары айыпталушы студенттің Қазақстанда әкесі тұратынын, сол үшін көрші елге жиі барып-келіп жүретінін баяндайды.

Жергілікті БАҚ-тың хабарлауынша, студенттен тәркіленген "суық қару" қолдан жасалған 45 сантиметрлік қанжар болып шыққан.

Abai.kz