Бейсенбі, 28 Наурыз 2024
3747 0 пікір 1 Ақпан, 2018 сағат 09:52

Стокгольм терактісін жасады деп айыпталған өзбекстандық өмірлік түрме жазасына кесілуі мүмкін

Прокурор Ханс Ирманның хабарлауынша, Өзбекстан азаматы Рахмат Акиловқа терроризм айыбы тағылған және оны өмірлік түрме жазасына кесуді соттан талап етеді.

"Менің мақсатым – оны біздің көшелерде ешқашан еркін жүрместей ету", – деді айыптаушы.

2017 жылы 7 сәуірде Стокгольмдегі Дроттнинггатан көшесінде жаяу жүргендерді Акилов жүк көлігімен қақты. Қатты жылдамдықпен жүрген көлік 18 адамды басып өтіп, дүкенге соғылды. Жүк көлігінде бомба болған.

Террорлық шабуылдан бес адам қаза болды, 15 адам зардап шекті.

Сол күні полиция 39 жастағы Акиловты ұстады. Ол Швецияға 2014 жылы барып, сонда құрылысшы болып істеген. Біраз уақыт бұрын ол бұл елден баспа сұраған, бірақ Швеция билігі оны депортациялауға шешім шығарған.

Акилов теракт жасағанын мойындап, бұл әрекетін "Ислам мемлекетінің" тапсырмасы деп атады. Сонымен бірге ол жасаған ісіне өкінбейтінін айтты.

Акилов ісіне қатысты сот ақпан айында басталады. Өзбекстандыққа қарсы 155 шағым түскен.

Abai.kz

0 пікір

Үздік материалдар

Алғыс айту күні

Алғыс айту күні және оның шығу тарихы

Жомартбек Нұрман 1562
Алашорда

Қожанов межелеу науқанында (Жалғасы)

Бейбіт Қойшыбаев 2254
Ғибырат

Қайсар рухты ғазиз жан

Мұхтар Құл-Мұхаммед 3521