Елбасы қазақ әлібиінің жаңа нұсқасын бекітті
Президент Назарбаев латын қаріпінің негізіндегі қазақ әліпбиінің жаңа нұсқасын бекітті, - деп хабарлайды Abai.kz Ақорданың баспасөз қызметіне сілтеме жасай отырып.
Елбасының «Қазақ тілі әліпбиін кириллицадан латын графикасына көшіру туралы» Қазақстан Республикасы Президентінің 2017 жылғы 26 қазандағы №569 Жарлығына өзгеріс енгізу туралы қаулыда былай жазылған.
1. «Қазақ тілі әліпбиін кириллицадан латын графикасына көшіру туралы» Қазақстан Республикасы Президентінің 2017 жылғы 26 қазандағы №569 Жарлығына (Қазақстан Республикасы ПҮАЖ-ы, № 50-51-52, 326-құжат) мынадай өзгеріс енгізілсін:
аталған Жарлықпен бекітілген латын графикасына негізделген қазақ тілі әліпбиі осы Жарлыққа қосымшаға сәйкес жаңа редакцияда жазылсын.
2. Осы Жарлық жарияланған күнінен бастап қолданысқа енгізіледі.
Қазақстан Республикасының Президенті Н.Назарбаев
Астана, Ақорда, 2018 жылғы 19 ақпан
Елбасының Жарлығымен бекітілген латын графикасына негізделген қазақ тілі әліпбиінің нұсқасы.
Abai.kz
