Өткенде Alibaba компаниясының шошқаларға не істегені туралы айтып едім. Қытайдың IT саласы, әсіресе, жасанды интеллект (Artificial Intelligence) пен онлайн білім (EdTech) саласында қатты дамып жатыр. Тіпті, инвестиция жайлы АҚШ-тан асып түскен, ал Ресей жасанды интеллект бойынша қалың ұйқыда.

Жаңа ғана оқыдым, Microsoft пен Xiomi "өзара түсіністік меморандумына" (MoU - Memorandum of Understanding) қол қойыпты. Бұның заң жағынан ешқандай күші жоқ, алайда меморандум аясында бұлттық теxнология мен жасанды интеллект бойынша біргелікте жұмыс істеп, жеке теxнологияларымен алмасып, оларды смартфондар мен смарт құрылғыларға енгізеді.

Қытайдың компаниялары шетінен сұрапыл, бәрін жапырып жатыр. ЖИ бойынша өткен жылғы инвестицияның 50% бөлігін Қытай, 35% АҚШ иеленіпті. Сондай-ақ, онлайн білімге инвестиция тартудан да қытайлықтар алда.

Нұрлан Жанай

Facebook-тегі парақшасынан