Наталья Бубнова деген бикеш Екінші дүниежүзілік соғысты атасы Моңголияда аяқтағанын жазыпты. Менің әкем де соғысты Қытайдың ең соңғы императоры Пу И- ді тұтқындаған батальоннның құрамында 3 қыркүйек күні Шығыста аяқтаған екен. Наталья ары қарай бұл "Нағыз Ұлы Отан соғысы болатын" деп, тастай бекем пікірін келтіріпті. Осыған байланысты Натальяға бірер сұрақ қоймақпын:

- Бикеш! 1 миллионға жуық әскері бар, өте жақсы қаруланған Квантун Армиясы Германиямен одақтас болса да СССР- дің территориясына Шығыстан басып кірмеді. Немістер Москваның түбіне келгенде Сталин Шығыстағы негізгі әскерді алғызып, Батыс майданға салды. Сөйтіп, Шығыс жақ шептегі СССР-дің қорғанысы әлсіреді. Егер Жапондар осы кезде шабуылға шықса Сіз айтып отырған соғыс қалай аяқталар еді? Бұл бір.

Екінші, төрт жыл бойы бейтарап тұрған Жапондарға немісті жеңген соң, соғыс ашқанымыз қалай? Жапондар СССР-ға жамандық жасаған жоқ. Ал СССР таза опасыздық істеп, бейтарап тұрған елді қанға бөктірді. Қытайдың заңды Императорын ұстап, қызыл террорға жол ашты. Бұған қалай жауап бересіз?

Порошенко өте дұрыс айтады. Сталин мен Гитлер тарих алдында бірдей жауап береді

Камал Әбдірахман

Facebook-тегі парақшасынан