"Біз мұндай зұлымдықпен халықаралық қауымдастықпен бірге, өзіміздің байырғы одақтасымыз - Ресеймен, және Ұжымдық қауіпсіздік келісім ұйымына мүше мемлекеттермен бірге күресеміз", - деді Жээнбеков.
Оның айтуынша, қазіргі таңда ел шекарасын Ұлы Отан соғысы батырларының ұрпақтары, армия командирлері мен сарбаздар қорғап жүр. "Болашақта да біздің Қарулы күштер ұлы Жеңіске бет түзеп отырады", - деді ол.
Президент Сооронбай Жээнбеков Бішкекте "Өшпес полк" шеруіне қатысты. Мемлекет басшысы соғыс жылдарында із-түссіз жоғалып кеткен атасы Жээнбек Пирназаровтың суретін көтеріп алып шықты, деп хабарлады президент аппараты.
9 мамырда Қырғызстанда және бірқатар постсоветтік елдерде Екінші дүниежүзілік соғыстың бір бөлігі - Ұлы Отан соғысының аяқталуын атап өтеді.
Abai.kz ақпараттық порталында жарияланған мақалаға пікір айтып, ойыңызды білдіргіңіз келсе, мына парақшаға жазып қалдырыңыз!
Abai.kz
