Рейтер агенттігінің хабарлауынша, бұл аймақты енді Сирия президенті Башар Асад қайта бақылауына алады.
Сирияның мемлекеттік ақпарат құралдары Ярмуктағы босқындар лагерінен исламшылардың кетуіне мүмкіндік беретін келісім жөнінде тіс жармады. Сенбі күні Сирия әскеріндегі дереккөз қандай да бір келісімге келгендіктерін теріске шығарды.
Ярмук анклавына бақылауды қалпына келтіру арқылы Сирия үкіметі батыс аймақтағы көтерілісшілер қолындағы соңғы ауданды жояды. Бірақ әлі де Түркия, Ирак және Иорданиямен шекаралас аумақта Асад режиміне бағынбайтын аймақтар бар.
Мониторинг тобының өкілдерінің хабарлауынша, содырлар мен отбасы мінген автобустар түнде анклавтан шығып кеткен. Олар Дамаскінің шығысындағы Әл-Бадия жазығына қарай бет алған.
Abai.kz
