رەيتەر اگەنتتىگىنىڭ حابارلاۋىنشا، بۇل ايماقتى ەندى سيريا پرەزيدەنتى باشار اساد قايتا باقىلاۋىنا الادى.
سيريانىڭ مەملەكەتتىك اقپارات قۇرالدارى يارمۋكتاعى بوسقىندار لاگەرىنەن يسلامشىلاردىڭ كەتۋىنە مۇمكىندىك بەرەتىن كەلىسىم جونىندە ءتىس جارمادى. سەنبى كۇنى سيريا اسكەرىندەگى دەرەككوز قانداي دا ءبىر كەلىسىمگە كەلگەندىكتەرىن تەرىسكە شىعاردى.
يارمۋك انكلاۆىنا باقىلاۋدى قالپىنا كەلتىرۋ ارقىلى سيريا ۇكىمەتى باتىس ايماقتاعى كوتەرىلىسشىلەر قولىنداعى سوڭعى اۋداندى جويادى. بىراق ءالى دە تۇركيا، يراك جانە يوردانيامەن شەكارالاس اۋماقتا اساد رەجيمىنە باعىنبايتىن ايماقتار بار.
مونيتورينگ توبىنىڭ وكىلدەرىنىڭ حابارلاۋىنشا، سودىرلار مەن وتباسى مىنگەن اۆتوبۋستار تۇندە انكلاۆتان شىعىپ كەتكەن. ولار داماسكىنىڭ شىعىسىنداعى ءال-باديا جازىعىنا قاراي بەت العان.
Abai.kz
