Олардың дені Ресей аумағында жүріп теракті жасауға қатысқан, Сириядағы соғыс алаңына жастарды тартқан және тыйым салынған діни ағымдарды таратқан.

Таяуда ғана Red Notices халықаралық полицияның қызыл тізімінде 32 жастағы Рудаки ауданының тұрғыны Абдушахид Турсуновтың (лақап аты Абу Саид) бары белгілі болды. Ол 2014 жылы Ресей арқылы Сирияға кеткен.

Тәжікстан тергеу орындарындағы дереккөздің хабарлауынша, Абдушахид Турсуновқа өзінің отанында терроризмге қатысты айып тағылған. Ол 2015 жылы ел президенті Эмомали Рахмонға қастандық жасамақ болған екен. Бұл қылмыстық іске қатысты екі азамат - Дилафруз Холова мен Изатулло Фузайлов сотталған.

Мемлекет басшысын 2015 жылдың қыркүйек айында Вахдатқа сапары кезінде өлтірмек болған. Дилафруз Холова Сириядағы Абушахид Турсунов (Абу Саид) арқылы Гулмурод Халимовпен (Тәжікстан ІІМ ОМОН-ның бұрынғы басшысы, 2015 жылы ИМ қатарына қосылған) байланысқа шықпақ болған.

Ресми мәліметке қарағанда, 2,5 мыңнан астам Тәжікстан азаматына Интерпол арқылы терроризм мен экстремизм айыбы бойынша іздеу жарияланған.

Abai.kz